ពិធីចុះកិច្ចព្រមព្រៀងព្រៃសហគមន៍ និងឥណទានកាបូនព្រៃឈើ ខេត្ត ឧត្តរមានជ័យ
រវាងរដ្ឋបាលព្រៃឈើសៀមរាប និងគណៈកម្មការគ្រប់គ្រងសហគមន៍ព្រៃឈើ

        នៅ ថ្ងៃទី០៤ ខែឧសភា ​​​​​​​​​​​​​​​​​​​​​​ ឆ្នាំ ២០០៩​​​​​​​​​​​   ស្ថិតនៅសាលប្រជុំសាលា ខេត្ត ឧត្តរមានជ័យ មានរៀបចំ   ប្រារព្ធពិធីចុះកិច្ចព្រមព្រៀង ព្រៃសហគមន៍និងឥទាណកាបូនព្រៃឈើខេត្តឧត្តរមានជ័យ រវាងរដ្ឋបាលព្រៃឈើសៀមរាបនិងគណៈកម្មការគ្រប់គ្រងសហគមន៍ព្រៃ ឈើ ពិធីនេះប្រព្រឹត្តទៅក្រោមអធិបតីភាព ឯកឧត្តម ជា សំអាង  ទីប្រឹក្សារដ្ឋាភិបាល និងជាអនុប្រធានរដ្ឋ​​​​​​​​​បាលព្រៃឈើ ឯកឧត្តម   លួន អាន អភិបាលរងខេត្ត ឧត្តរមានជ័យ ព្រមទាំងមានការអញ្ជើញចូលរួមពីសំណាក់ ឯកឧត្តម លោក លោកស្រី មន្រ្តីរាជការ និង ប្រជាពលរដ្ឋទាំង៩សហគមន៍ក្នុង ខេត្ត ឧត្តរមា​នជ័យ ។
       ពិធីចុះកិច្ចព្រមព្រៀងព្រៃសហគមន៍និង ឥណទានការបូនព្រៃឈើដែលប្រារព្វនៅពេលនេះមានអត្ថន័យដ៍ជ្រាលជ្រៅសំរាប់ចលនា
បំផុសស្មារតីប្រជាពលរដ្ឋមន្រ្តីរាជការសិស្សានុសិស្ស  និងកងកំលាំងប្រដាប់អាវុធទាំងអស់ អោយចេះស្រឡាញ់ព្រៃឈើចូលរួមដាំដុះ
និងការការពារព្រៃឈើកុំអោយមានការបាត់បង់បន្តទៀត។ក្នុងពិធីនេះក៍ជាសក្ខីភាពបញ្ជាក់ពីការយកចិត្តទុកដាក់ចំពោះប្រជាពលរដ្ឋពី
សំណាក់រាជរដ្ឋាភិបាលក្រោមការដឹកនាំដ៍ខ្ពង់ខ្ពសប្រកបដោយគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន ក្នុងការ
ផ្តល់ជូនប្រជារដ្ឋនូវសិទ្ធិផ្លូវច្បាប់ក្នុងការគ្រប់គ្រង អភិវឌ្ឍន៍និងការប្រើប្រាសធនធានព្រៃសហគមន៍ប្រកបដោយចិរភាព។
        បន្ទាប់ពីឯកឧត្តម លួន អាន បានមានមតិស្វាគមន៍រួចមកឯកឧត្តម ជា សំអាង ​​​​​​​បានមានប្រសាសន៍ថា ៖ រាជដ្ឋាភិបាលបាន យកចិត្តទុកដាក់ ក្នុងការកែទំរងវិស័យព្រៃឈើហើយបានចាត់ទុកការអភិរក្ស  និងការគ្រប់គ្រងធនធានព្រៃឈើដោយធានាអោយបាន នូវស្ថេរភាពនៃប្រព័ន្ធអេកូឡូស៊ីសង្គម និងសេដ្ឋកិច្ច ដែលជាសសរគ្រឹះមួយដ៍រឹងមាំសំរាប់សុខមាលភាពជាសាធារណ: ការអភិវឌ្ឍន៍ សេដ្ឋកិច្ចសង្គមនិង ចូលរួមក្នុងការកាត់បន្ថយភាពក្រីក្ររបស់ប្រជាពលរដ្ឋ ៕