ពិធីបើកវគ្គបំប៉នមន្ត្រីនគរបាល ប៉ុស្តិ៍រដ្ឋបាលជំនាន់ទី ៣

        នៅស្នងការដ្ឋាននគរបាលខេត្ត ឧត្តរមានជ័យ មានរៀបចំពីធី  បើកវត្គបំប៉នដល់មន្ត្រីនគរបាលប៉ុស្តិ៍រដ្ឋបាលជំនាន់ទី៣ ពិធីនេះប្រ ព្រឹត្តិទៅក្រោមអធិបតីភាព ឯកឧត្តម ព្រំ ស៊ូ អភិបាលរងខេត្ត     លោក ឧត្តមសេនីយ៍ត្រី ម៉ែន លី ស្នងការនគរបាលខេត្ត ឧត្តរមានជ័យ ព្រមទាំងមានការអញ្ជើញចូលរួមពីសំណាក់នាយ​ នាយរង និងពលនគរបាលជាសិក្ខាកាមជាច្រើនរូបទៀត ។
        ពិធីបើកវត្គនេះបានប្រព្រឹត្តិទៅកាលពី  ថ្ងៃទី ១៦ ខែ កុម្ភះ ឆ្នាំ ២០០៩ គឺក្នុងគោលបំណងបំប៉ន បណ្តុះបណ្តាល ដល់មន្ត្រីនគរ- បាលជាតិ និងដើម្បីបង្កើនចំណេះដឹង  និងបទពិសោធន៍​  ឈានទៅរកការកំណត់ទិសដៅវិធានការសំរាប់ការអនុវត្តបន្តទៀត ឲ្យស្រប ទៅតាម គោលនយោបាយយុទ្ធសាស្ត្រចតុកោណជំហាន២ របស់រាជរដ្ឋាភិបាលអាណត្តិទី ៤ ។

                                    
        លោក ឧត្តមសេនីយ៍ត្រី​ ម៉ែន លី បានមានមតិស្វាគមន៍ លើកឡើងថា ៖ថ្ងៃនេះស្នងការនគរបាលខេត្តឧត្តរមានជ័យ មានកិត្តិយស ក្រៃលែង ដោយបានការអនុញ្ញាតិពី  ឯកឧត្តម នាយឧត្តមសេនីយ៍ អគ្គស្នងការនគរបាល    និង ឧត្តមសេនីយ៍ឯក  ម៉ា ឈឿន​   ប្រធាន បណ្ឌិតសភានគរបាលជាតិ   និងជាប្រធាននាយកដ្ឋានបណ្តុះបណ្តាល   និង វិក្រិតការបានអនុញ្ញាតិ​ឲ្យ  ស្នងការនគរបាលខេត្តរៀបចំ បើកវគ្គបំប៉នមន្ត្រីនគរបាលប៉ុស្តិ៍រដ្ឋបាលនេះឡើង ។ លោកឧត្តមសេនីយ៍ត្រី បានមានប្រសាសន៍បន្តថា៖   ដើម្បីសម្រេចបាននូវគោល បំណងខាងលើនេះ ស្នងការនគរបាលខេត្តមានតួនាទីយ៉ាងសំខាន់ធ្វើសេនាធិការជូនថ្នាក់ដឹកនាំអគ្គស្នងការនគរបាលជាតិ និងនាយក ដ្ឋានបណ្តុះបណ្តាលវិក្រិតការ លើការបណ្តុះបណ្តាលកងកំលាំងនគរបាលឲ្យទទួលបានគុណភាពល្អប្រសើរ ។
        ឯកឧត្តម ព្រំ ស៊ូ បានមានប្រសាសន៍ផ្តាំផ្ញើដល់សិក្ខាកាមទាំងអស់  ត្រូវយកចិត្តទុកដាក់ក្នុងការរៀនសូត្រ   ក្នុងវគ្គបំប៉នដល់មន្ត្រី នគរបាលយើងថ្ងៃនេះ ក្នុងនោះដែរ ឯកឧត្តម ក៏បានសំណូមពរដល់ គ្រូឧទ្ទេសនាមគ្រប់មុខជំនាញ ត្រូវយកចិត្តទុកដាក់ឲ្យអស់ពីសម- ត្តភាព និងយកបទពិសោធន៍ ល្អមកឆ្លុះបញ្ចាំងបន្ថែមទៀតដើម្បីជាពន្លឺ​ និងជាត្រីវិស័យសំរាប់បំពេញភារកិច្ច  ជាក់ស្តែងនៅតាមបណ្តា អង្គភាពរបស់ខ្លូន ។