ពិធីផ្សព្វផ្សាយជម្ងឺផ្តាសាយបក្សី
នាថ្ងៃទី ១៨ ខែ កុម្ភះ ឆ្នាំ ២០០៩ នៅស្រុក ចុងកាល់ មានរៀបចំពិធីផ្សព្វផ្សាយជម្ងឺផ្តាសាយបក្សី ពិធីនេះប្រព្រឹត្តិទៅក្រោមអធិបតី ភាព ឯកឧត្តម ជុំ ជាតិ អភិបាលរងខេត្ត ឧត្តរមានជ័យ និងជាតំណាងដ៏ខ្ពង់ខ្ពស់ឯកឧត្តម ប៉ិច សុខិន អភិបាលខេត្ត លោក ប៉ែន ម៉រ៉ាន់ឌី ប្រធានមន្ទីរកសិកម្មខេត្ត ព្រមទាំងមានការអញ្ជើញចូលរួមពីសំណាក់ លោក លោកស្រី ជាវិជ្ជបណ្ឌិត ក្រុមអ្នកស្រាវជ្រាវ និងប្រជាពល រដ្ឋជាច្រើនរូបទៀត ។
ប្រជាជនចូលរួមក្នុងពីផ្សព្វផ្សាយជម្ងឺផ្តាសាយបក្សី
នៅស្រុកចុងកាល់
តាមរបាយការណ៍របស់លោក ប៉ែន ម៉ារ៉ាន់ឌី
បានបញ្ជាក់ថា ៖ ចាប់ពីឆ្នាំ២០០៤ រហូតដល់ ឆ្នាំ ២០០៨ នេះសកម្មភាពចុះបង្ក្រាប
ទប់ស្កាត់ ហាមឃាត់ ដុតបំផ្លាញ សត្វមាន់ ទា រស់ និងសាច់មាន់ ទា នាំចូលពីប្រទេស
វៀតណាមដោយខុសច្បាប់នោះ បានច្រើនករ- ណី ជាបន្តបន្ទាប់ ។
លោកប្រធានមន្ទីរបានបន្តទៀតថា ៖ នាពេលបច្ចុប្បន្នមន្ទីរកសិកម្ម
ខេត្តបានផ្សព្វផ្សាយ និងជូនដំណឹងជាប្រចាំ ដល់ប្រជាពលរដ្ឋ បើឃើញសត្វឈឺ ឬងាប់
ត្រូវចេះរាយការណ៍ជាបន្ទាន់ដល់មេភូមិ ឬ ភ្នាក់ងារសុខភាពសត្វ
ភូមិដែលនៅជិតបំផុតឲ្យ ទៅពិនិត្យដើម្បីមានវិធានការទប់ស្កាត់ ឲ្យទាន់ពេលវេលា ។
ឯកឧត្តម ជុំ ជាតិ បានមានប្រសាសន៍ថា៖ ទោះបីជាខេត្ត ឧត្តរមានជ័យ មិនទាន់មានលេចចេញនូវរោគសញ្ញា ឬមានគ្រោះថ្នាក់
ដល់បាត់បង់ជីវិត មនុស្ស សត្វ យ៉ាងណាក្តីក៍ ជម្ងឺនេះបានផ្ទុះឡើងនៅតាមបណ្តោយខេត្ត មួយចំនួន នៅភាគខាងកើតនៃ ប្រទេស កម្ពុជា បណ្តាលឲ្យ ស្លាប់បាត់បង់ជីវិតមនុស្ស
០៧នាក់ ហើយនៅចុងឆ្នាំ ២០០៨ នេះ មានយុវជនមួយរូបនៅខេត្ត កណ្តាលបានផ្ទុក
វីរុសប្រភេទ H5N1 តាមរយៈការបរិភោគសាច់សត្វមាន់ឈឺ តែត្រូវបានសង្គ្រោះទាន់ពេលវេលា ពីមន្ត្រីសុខាភិបាលដោយយកចិត្តទុក ដាក់ជាទីបំផុត
។ ឯកឧត្តមបានបន្តទៀតថា៖
កន្លងមកនេះអាជ្ញាធរដែនដីនិងភ្នាក់ងារសុខភាពសត្វភូមិរួមកំលាំងគ្នា លើកវិធានការណ៍
ដើម្បីបង្កាគ្រោះថ្នាក់ និងអាចបណ្តាលឲ្យឆ្លងរាលដាលដល់ មនុស្ស
រឺសត្វ នេះជាការចំាបាច់ត្រូវមានការចូលរួម សហការគាំទ្រពីសំ
ណាក់សាធារណជនគ្រប់មជ្ឈដ្ឋាន ដើម្បីការពារ និងថែរក្សាសុខភាពឲ្យបានល្អ ។